Guðmundur Ármann er Eyrbekkingur, en foreldrar hans keyptu Húsið (nú Byggðasafn Árnesinga) árið 1979 hófu á því endurbætur og gerðu að heimili sínu. Guðmundur Ármann hefur alla tíð haft sterka tengingu við Eyrarbakka, Stokkseyri og Selfoss, fylgst með hvernig byggðin og mannlífið hefur þróast og hefur hann alla tíð verið virkur þátttakandi í nærsamfélaginu. 

Guðmundur Ármann er sonur Auðbjargar Guðmundsdóttur húsmóður og fyrrum starfskonu á leikskólanum Brimver á Eyrarbakka og Péturs Sveinbjarnarsonar (látinn) athafnamanns og fyrrum framkvæmdastjóra. 

Sambýliskona Guðmundar er Birna G. Ásbjörnsdóttir sem er að ljúka doktorsnámi í heilbrigðisvísindum frá Háskóla Íslands og starfar sem gestarannsakandi við Harvard Háskólasjúkrahúsið í Boston.  

Birna og Guðmundur Ármann eiga tvö börn Emblu 17 ára og Nóa Sæ 12 ára. Dóttir Guðmundar frá fyrra sambandi er Auðbjörg Helga 26 ára. 

Á yngri árum vann Guðmundur fjölbreytt störf, sveitastörf, brúarvinna, frystihús, Litla Hraun og á Réttargeðdeildinni á Sogni. Guðmundur Ármann fór sem skiptinemi í eitt ár til Bandaríkjanna 16 ára og bjó þá í Suður Karolínu. 

Guðmundur Ármann er menntaður rekstrarfræðingur frá Háskólanum á Bifröst, með menntun í lífrænum/lífelfdum landbúnaði og með meistaragráðu í umhverfisfræði. 

Nói sonur Guðmundar er með Downs heilkenni og hefur Guðmundur látið sig mjög hagsmunamál einstaklinga með Downs og fatlaðs fólks sig varða. Guðmundur Ármann er formaður Félags áhugafólks um Downs heilkennið og er í stjórn Landsamtakanna Þroskahjálp. 

Guðmundur var í hópi þeirra sem endurvöktu starf skátafélagsins Fossbúa á Selfossi, en hann var um árabil virkur í skátastarfi. Guðmundur lauk Gilwell þjálfun, hlaut Forsetamerki og var um tíma í stjórn Bandalags ísl. skáta. 

Guðmundur stóð fyrir BRIM kvikmyndahátíð sem varðaði fræðslu um plastmengun í hafi og áhrif þess á okkur og lífríkið. Guðmundur Ármann er formaður Hverfisráðs Eyrarbakka.

Guðmundur Ármann hefur um árabil verið virkur þátttakandi í samfélagsumræðu, ritað greinar er varðar fjölbreytt málefni í innlend og erlendi dagblöð og tímarit auk þess að eiga samtöl í útvarpi og sjónvarpi. 

Guðmundur Ármann var framkvæmdastjóri Sólheima í 15 ár á tímum mikillar uppbyggingar og umbreytinga. 

Guðmundur Ármann sat í sveitarstjórn Grímsnes- og Grafningshrepps í 8 ár. 

Síðustu misseri hefur hann unnið að nýsköpunarverkefni ásamt konu sinni þar sem broddmjólk mjólkurkúa er unnin á ákveðin hátt og með gerlum til framleiðslu á bætiefnum til heilsueflingar.