Ágætu íbúar.
Nú er rétt mánuður til sveitarstjórnarkosninga og munu hið minnsta tveir listar bjóða fram í sveitarfélaginu okkar.
Fjárhagur sveitarfélagsins eru ekki eins góður og hann gæti verið, það tekur á fyrir lítið sveitarfélag eins og okkar að skulda 1 milljarð. Við þurfum því í senn að fara vel með og leita allra leiða til að auka tekjur okkar.
Það skiptir okkur öll miklu máli að vel sé á haldið þegar kemur að málefnum sveitarfélagsins. Kröfur um þjónustu aukast stöðugt og verkefnin verða fjölbreyttari á sama tíma og fjármagn er takmarkað.
Við búum að mörgu góðu í okkar sveit og tækifærin eru mörg. Við þurfum að hlúa að þeim, skapa jarðveg þannig að stutt sé við uppbyggingu og tekist á við krefjandi verkefni af ábyrgð.
Við þessar aðstæður þurfum við að klára skólabyggingu og lóð. Við þurfum einnig að taka ákvörðun um hvað eigi að gera við golfvöllinn á Borg. Ég tel rétt að gera lokatilraun til að selja hann og lánist það ekki fyrir lok þessa árs að þá eigi að ræða aðra nýtingarmöguleika á þessu góða landsvæði á íbúafundi.
Ég tel að ein besta leið okkar til betra samfélags sé að fækka listafundum og fjölga íbúafundum. Það er eðlileg krafa að íbúar viti meira um hvað er að gerast í stjórnsýslu sveitarfélagsins og hafi tækifæri til að koma skoðun sínum á framfæri.
Ég hvet alla íbúa til að mæta á kjörstað og kjósa þann 31. maí n.k.
Guðmundur Ármann Pétursson
Oddviti K – lista.
